Serbiya Avropa İttifaqının (Aİ) çağırışlarına baxmayaraq, prinsipial mövqeyindən əl çəkməyəcək və Rusiyaya qarşı sanksiya tətbiq etməyəcək.
İqtisadiyyat.az xəbər verir ki, bunu Serbiyanın Baş naziri Ana Brnabiç deyib.
O bildirib ki, Avropa İttifaqı Serbiyanın xarici siyasətdə ittifaqa uyğunlaşmasını istəyir: “Biz prinsipial mövqeyimizdən əl çəkməyəcəyik. Üzvlük danışıqlarının davam etdirilməsi üçün şərt qoyulsa belə, sanksiyaları tətbiq etməyəcəyik”.
Bəzi ölkələrin Serbiya vasitəsilə sanksiyaları pozmaq cəhdləri barədə iddiaları şərh edən Baş nazir deyib:
“Serbiya başqalarının sanksiyaları pozmaq üçün istifadə edəcəyi ölkə olmayacaq. Biz sanksiyalarla bağlı qərar verməyəcəyik. Digər ölkələrin sanksiyaları Serbiya vasitəsilə pozmaq cəhdlərinin qarşısını isə öz qanunlarımızla alacağıq”.
