Avropada yeni hərbi hərəkətlilik gözlənilir.
İqtisadiyyat.az "Financial Times"a istinadən xəbər verir ki, NATO Soyuq Müharibədən bəri ən böyük hərbi təlimlərini keçirməyə hazırlaşır.
Məlumatda qeyd olunub ki, NATO-nun bu təlimləri Rusiya tərəfinə “alyansın müharibəyə hər an hazır olduğunu” nümayiş etdirmək məqsədi daşıyır.
“Steadfast Defender” adlanan təlimdə ən azı 41 min hərbçi və 50-dən çox gəmi iştirak edəcək. Manevrlər zamanı hərbçilər 500-dən 700-ə qədər uçuş həyata keçirəcəklər.
Nəşrin məlumatına görə, qoşunlar üçün daha real vəziyyətlər yaratmaq üçün real coğrafi məlumatlardan istifadə edilməsi planlaşdırılır.
Təlimlər 2024-cü ilin fevral və mart aylarında Almaniya, Polşa və Baltikyanı ölkələrdə keçiriləcək. Təlimlərdə alyansa üzv ölkələrlə yanaşı, İsveç də iştirak edəcək.
Gözəl Həşimova