Leo Erik Varadkar İrlandiyanın Baş naziri və mərkəzçi mühafizəkar Fine gel Partiyası sədri vəzifələrindən istefa verib.

Bu barədə İqtisadiyyat.az TASS-a istinadən xəbər verir.

"2017-ci ilin iyununda partiya sədri və baş nazir olanda bilirdim ki, liderin xüsusiyyətlərindən biri də hakimiyyətin başqasına təhvil verməli olduğu anı dərk etmək, buna cəsarətinin çatması bacarığıdır. Bu gündən etibarən Fine Gel lideri vəzifəsindən istefa verəcəyəm. Xələfim vəzifəyə gələn kimi Baş nazir vəzifəsindən istefa verəcəm. Yeddi ildən sonra bu vəzifəni tutmaq üçün ən yaxşısı olduğumu düşünmürəm", - Leo Varadkar xalqa müraciəti zamanı vurğulayıb.

İrlandiyalı politoloqların fikrincə, bu qərar tamamilə gözlənilməz olub. Hökumət başçısının qərarı ilə bağlı mətbuata əvvəlcədən heç bir məlumat sızmayıb.

Qeyd edək ki, Leo Erik Varadkar 1979-cu il yanvarın 18-də İrlandiyanın Dublin şəhərində anadan olub. 2017-ci il iyunun 14-dən Baş nazir seçilib.