Azərbaycan vətəndaşları ötən ay Türkiyədə 90 mənzil alıblar.

İqtisadiyyat.az xəbər verir ki, bu barədə Türkiyə Statistika Təşkilatının (TÜİK) avqust ayı üzrə açıqladığı mənzil satışı statistikasında bildirilib.

Beləliklə, azərbaycanlılar Türkiyədə ən çox mənzil alanlar siyahısında 7-cı sırada qərarlaşıb.

Hesabat dövründə Türkiyədə mənzil satışları keçən ilin eyni ayına görə 9,9% artaraq 134 min 155-ə çatıb. Yanvar-avqust aylarında isə satışlar keçən ilin eyni dövrünə görə 1,1% artaraq 806 min 317 ədədə çatıb.

Avqust ayında 19 min 467 ilə mənzil satışında ən yüksək paya sahib bölgə İstanbul olub.

Bu dövr əzində Rusiya vətəndaşları Türkiyədə 381 mənzil alıblar. Rusiya vətəndaşlarını müvafiq olaraq 171 mənzil ilə İran, 161 mənzil ilə Ukrayna vətəndaşları izləyib.

 

Gözəl Həşimova