Aleksey Navalnının ölümü ilə əlaqədar Avropa İttifaqı (Aİ) iki təşkilata və 33 rusiyalıya sanksiya tətbiq edib.
İqtisadiyyat.az xəbər verir ki, sözügedən siyahı Aİ-nin rəsmi saytında dərc olunub.
O cümlədən, sanksiyalar siyahısına Navalnının "Qütb canavarları" koloniyasında öldüyü Yamal-Nenets Muxtar Dairəsinin qubernatoru Dmitri Artyuxov, Ədliyyə Nazirliyinin yerlərdə Dövlət Siyasəti İdarəsinin rəisi Vladimir Şvedov daxil edilib.
Qeyd edək ki, Yamal Muxtar Dairəsinin Federal Penitensiar Xidmətinin Departamenti Navalnının fevralın 16-da günortadan sonra "Qütb canavarları" koloniyasında ölməsi barədə məlumat yayıb. Şöbədən bildirilib ki, o, yeriyərkən özünü pis hiss edib və dərhal huşunu itirib.
Müxalifətçi martın 1-də Moskvada Borisov qəbiristanlığında dəfn edilib.