"İsrail ordusu Qəzza zolağında quru əməliyyatı başlayandan bəri ən şiddətli döyüşlərini aparır, ordu hazırda anklavın cənubunda yerləşən Xan Yunis şəhərinin mərkəzində əməliyyatlarını davam etdirir".
İqtisadiyyat.az xəbər verir ki, bunu İsrail Müdafiə Qüvvələrinin Cənub Komandanlığının rəhbəri general-mayor Yaron Finkelman deyib.
"Biz Cəbəliyyənin, Şucaiyyənin və bu gecədən başlayaraq həm də Xan Yunisin tam mərkəzindəyik. Biz əməliyyatların əvvəlindən həm öldürülən terrorçuların sayına, həm toqquşmaların sayına, həm də həm yerdən, həm də havadan zərbələrə görə ən gərgin günü keçiririk. Məqsədimiz nailiyyətlərimizi irəlilətməyə və dərinləşdirməyə davam etməkdir", - Finkelman bildirib.
Ordunun mətbuat xidməti əlavə edib ki, son günlər Qəzza zolağının bu ərazilərində piyada, mühəndislər, zirehli qüvvələr və hava qüvvələri çoxlu sayda silahlını məhv edib: "Bundan əlavə, İsrail Müdafiə Qüvvələrinin əsgərləri HƏMAS-ın həm yerüstü, həm də yeraltı terror infrastrukturunu məhv edir".
