BMT mülki şəxslərə və infrastruktura hücumlara qarşıdır və bu cür hücumlar dayandırılmalıdır.
İqtisadiyyat.az xəbər verir ki, bunu dünya təşkilatının rəhbərinin rəsmi nümayəndəsi Stefan Düjarrik TASS müxbirinin PUA-nın Tatarıstandakı obyektlərə hücumunu şərh etmək xahişinə cavab olaraq bildirib.
"Biz mülki infrastruktura edilən istənilən hücuma qarşıyıq və onu dayandırmağa çağırırıq", - diplomat qeyd edib.
Aprelin 2-də səhər saatlarında pilotsuz uçuş aparatları Tatarıstanın Yelabuqa və Nijnekamsk şəhərlərində yerləşən müəssisələrə hücum edib. Respublika başçısının mətbuat xidmətindən verilən məlumata görə, müəssisələrdə texnoloji proses pozulmayıb, ciddi ziyan dəyməyib. Respublika Səhiyyə Nazirliyinin mətbuat xidmətindən verilən məlumata görə, PUA-nın Alabuğa XİZ-ə daxil olması nəticəsində ikisi azyaşlı olmaqla 13 nəfər tələbə xəsarət alıb. Səkkiz nəfər xəstəxanaya yerləşdirilib, vəziyyətləri yüngül-orta ağırdır, həyati təhlükəsi yoxdur.
