"Rusiyaya sanksiya tətbiq edilən malların tədarükü ilə bağlı işin istintaqı çərçivəsində ABŞ-nin tələbi ilə Belçika və Hollandiyada 6 nəfər saxlanılıb".
İqtisadiyyat.az xəbər verir ki, bu barədə "Soir" qəzeti məlumat yayıb.
Qəzetin məlumatına görə, Belçika federal prokurorluğu çərşənbə axşamı Qərbi Flandriya şəhərlərində, xüsusən Knokke və Ekloda bir sıra axtarışlar aparıb. Oxşar axtarışlar Hollandiyanın Rotterdam şəhərində də aparılıb. Dörd nəfər Belçikada, iki nəfər Hollandiyada saxlanılıb.
Qəzet qeyd edir ki, bütün məhbuslar hərbi istehsalda istifadə oluna bilən ikili təyinatlı avadanlıqların üçüncü ölkələr vasitəsilə Rusiyaya tədarükü ilə bağlı ABŞ-nin başlatdığı istintaq çərçivəsində saxlanılıb.
Saxlanılanların kimliyi və milliyyəti açıqlanmır.
