Yaponiya mərkəzli texnologiya şirkəti "Sony" ikinci rüb göstəricilərini açıqlayıb.
"Finans.az" xarici KİV-ə istinadən xəbər verir ki, şirkət aprel-iyun aylarında 900 min smartfon təhvil verib. Bu isə son 9 ildə ən az göstərici olub. Qeyd edək ki, ötən ilin eyni dövründə şirkətin təhvil verdiyi smartfonların sayı 2 mln. ədəd idi.
Satışların aşağı düşməsi ilə bağlı olaraq "Sony"nin maliyyə departamenti gəlir proqnozlarını 7% endirərək 3,55 mln. dollar həddində qəbul edib.
Lakin şirkətin "Sony Xperia 1" modelinin satışları ilə bağlı gözləntiləri yüksəkdir və bu yolla gəlirlərini artıracağını düşünür.
