Suriyanın Həsəkə əyalətinin şimal-şərqində yerləşən Əl-Şəddadidəki ABŞ hərbi bazası pilotsuz uçuş aparatları ilə hücuma məruz qalıb.
İqtisadiyyat.az xəbər verir ki, bu barədə "Al Mayadeen" telekanalı məlumat yayıb.
Əl-Cəbsə neft yatağının yaxınlığında yerləşən ABŞ hərbi bazasına hücuma görə məsuliyyəti İraqın İslam Müqaviməti hərəkatı öz üzərinə götürüb.
Bundan əvvəl "Al Mayadeen" Suriyanın şərqindəki Əl-Ömər neft yatağının ərazisində yerləşən başqa bir ABŞ bazasına pilotsuz uçuş aparatı ilə hücum etdiyini bildirmişdi. İraq İslami Müqaviməti buna görə məsuliyyəti öz üzərinə götürüb. Hərəkatın nümayəndəsi Cəfər əl-Hüseyni telekanala bildirib: "Mücahid birlikləri Qəzza zolağında fələstinli qardaşların tərəfindən çıxış edib və onlara dəstək olmaq üçün hücumlarını Amerika bazalarına yönəldiblər".
Qeyd edək ki, 2015-ci ildən bəri ABŞ Suriyanın şimal-şərqində 9 hərbi baza yaradıb. Onların ən böyüyü Həsəkənin inzibati mərkəzinin şimalında (Dəməşqdən 620 km məsafədə) Tell Beydarda yerləşir.
