İsrail Müdafiə Qüvvələri qalan sakinlərin çıxmasına icazə vermək üçün Qəzza şəhərində döyüşləri 4 saat müddətinə dayandırıb.
İqtisadiyyat.az xəbər verir ki, bu barədə İsrail ordusunun mətbuat katibi Aviçai Edri məlumat verib.
“Biz bu gün ərzində, yəni saat 10:00-dan 14:00-dək Daraj Tuffa ərazisində hərbi əməliyyatları müvəqqəti dayandıracağıq”
Edri onu da bildirib ki, Qəzza zolağının şimal rayonlarının sakinlərinin təxliyyəsi üçün humanitar dəhliz yenidən yerli vaxtla saat 09:00-dan 16:00-a qədər fəaliyyət göstərəcək.
Bazar günündən bəri hər gün İsrail Müdafiə Qüvvələri humanitar məqsədlər üçün anklavın müxtəlif yerlərində hərbi əməliyyatların dayandırıldığını elan edir. Noyabrın 13-də İsrail ordusu Qəzza zolağının cənubunda, Misirlə sərhədə yaxın Rafah şəhərində eyni müddətə hərbi əməliyyatları dayandırıb.