İsrail Qəzza zolağında quru hərbi əməliyyatının miqyasını genişləndirir.
İqtisadiyayt.az xəbər verir ki, bunu İsrail Müdafiə Qüvvələrinin sözçüsü Daniel Həcəri deyib.
"Qəzzə zolağına hücumların tempini artırdıq. Hərbi-hava qüvvələrimiz yeraltı hədəflərə və terrorçuların infrastrukturuna zərbələr endirir. Qəzza zolağına hücumların davamı olaraq qüvvələrimiz bu saatlarda quru əməliyyatlarının əhatə dairəsini genişləndirir", - o, axşam brifinqində deyib.
Həcəri qeyd edib ki, cümə günü İsrail Müdafiə Qüvvələri HƏMAS hərəkatının Qəzzada Şifa xəstəxanasından öz məqsədləri üçün istifadə etdiyinə dair kəşfiyyat məlumatları təqdim edib: "Biz bu barədə dünyaya məlumat vermişik və məlumat verməyə davam edəcəyik. Qəzza şəhəri və ətraf ərazilərə zərbələr endirməyə davam edirik və şəhər sakinlərini zolağın cənub hissələrinə təxliyə olmağa çağırırıq".
*** 21:35
İsrail ordusu Qəzza zolağında quru əməliyyatlarına başlayıb.
İqtisadiyyat.az xəbər verir ki, bu barədə İsrail ordusunun sözçüsü bildirib.
Bildirilib ki, əlavə təfərrüatlar barədə açıqlama veriləcək.