Hindistan "Aditya-L1" peykini uğurla kosmosa göndərib.
İqtisadiyyat.az xəbər verir ki, bu barədə Hindistan Kosmik Tədqiqatlar Mərkəzi (ISRO) məlumat yayıb.
Qeyd edilib ki, Günəşlə Yer arasındakı "L-1 Laqranj" nöqtəsinə yerləşdirilməsi planlaşdırılan peyk Günəşin ən kənar təbəqəsini və günəş küləklərini müşahidə etmək üçün göndərilib.
"Aditya" peyki yerli vaxtla saat 11:50-də Andhra Pradeş ştatındakı Şriharikota kosmodromundan orbitə buraxılıb.
Layihə ISRO-nun Günəşin müşahidəsinə yönəlmiş ilk missiyası olacaq.
Layihəyə ayrılan büdcənin 46 milyon dollar olduğu iddia edilsə də, ISRO bununla bağlı açıqlama verməyib.
