ABŞ növbəti sanksiyalar tətbiq edərsə, Tbilisi Vaşinqtonla münasibətlərinə yenidən baxacaq.
İqtisadiyyat.az xarici KİV-lərə istinadən xəbər verir ki, bunu Gürcüstanın Baş naziri İrakli Kobaxidze bildirib.
“16 sentyabrda 64 vətəndaşa qarşı sanksiyalarla bağlı qərarla Amerika tərəfi kritik məqama yaxınlaşıb. Başqa bir oxşar qərar qəbul olunarsa, bu, Gürcüstanın gürcü-amerikan münasibətlərində mövqeyinin əhəmiyyətli dərəcədə yenidən nəzərdən keçirilməsinə səbəb ola bilər”, - Kobaxidze deyib.
Baş nazir vurğulayıb ki, bu məhdudiyyətlər müxalifətin seçkilər öncəsi şanslarını artırmaq məqsədi daşıyır. Kobaxidze həmçinin xəbərdarlıq edib ki, onlar əks effekt verir və hakimiyyəti qorxutmayacaq.
Xatırladaq ki, sentyabrın 16-da Birləşmiş Ştatlar Gürcüstanın 64 vətəndaşına və hökumət rəsmilərinə qarşı sanksiya tətbiq edib. Bildirilib ki, sözügedən şəxslər ölkədə demokratiyanın və insan haqlarının pozulmasında iştirak edirlər.
Sadiq Cavadov
