Fələstinin BMT-yə daimi üzv kimi daxil olmasına baxılması üçün müraciəti təşkilata yeni üzvlərin qəbulu ilə bağlı Təhlükəsizlik Şurasının (TŞ) müvafiq komitəsinə göndərilib.
İqtisadiyyat.az xəbər verir ki, bu barədə aprel ayında ölkəsi Təhlükəsizlik Şurasının sədri vəzifəsini icra edən Maltanın BMT-dəki daimi nümayəndəsi Vanessa Freyzer bildirib.
"Aprelin 8-də Təhlükəsizlik Şurasının iclası keçirildi və orada Frazier prosedura uyğun olaraq Təhlükəsizlik Şurasının üzvlərinə Fələstinin BMT-yə daimi üzv kimi qəbulu ilə bağlı müraciətinə baxılmasına davam etməyi xahiş etdi. Heç bir etiraz olmayıb, qərar qəbul olunub", - məlumatda qeyd olunur.
Fələstin hazırda BMT-də daimi müşahidəçi statusuna malikdir. 2011-ci ildə Fələstin hakimiyyəti dünya təşkilatına daimi üzv olmaq üçün müraciət etmişdi, lakin sonradan Fələstin bir müddət daimi müşahidəçi kimi qalmağa qərar verib. Aprel ayında o, BMT-yə daimi üzv kimi daxil olmaq üçün müraciətə baxılmasını bərpa etmək xahişi ilə Təhlükəsizlik Şurasına məktub göndərib.
