ABŞ administrasiyası Qəzza zolağındakı böhranı və bundan çıxışın mümkün yollarını müzakirə etmək üçün Avropa və Yaxın Şərqə öz emissarı göndərib.
İqtisadiyyat.az xəbər verir ki, bu barədə Ağ Evin Milli Təhlükəsizlik Şurasının mətbuat xidmətinin rəhbəri Adrien Vatson məlumat verib.
"Milli Təhlükəsizlik Şurasının Yaxın Şərq və Şimali Afrika üzrə koordinatoru Brett Makqurk bazar ertəsi tura getdi", - o, yazılı açıqlamasında bildirib.
Vatson bildirib ki, Makqurk ABŞ dövlət katibinin Yaxın Şərq məsələləri üzrə köməkçisi Barbara Leafın müşayiəti ilə Belçika, İsrail, Fələstin, Birləşmiş Ərəb Əmirlikləri, Səudiyyə Ərəbistanı, Bəhreyn, Qətər və İordaniyaya səfər edəcək.
Ərəb monarxiyalarına səfərləri zamanı Makqurk Yaxın Şərqdə münaqişənin qarşısını almaq səyləri, Vaşinqtonun hərbi yardımı və HƏMAS girovlarını azad etmək səylərinə toxunacaq. Bundan əlavə, Makqurk İordaniyada Fələstin-İsrail probleminin iki dövlətli həllinin həyata keçirilməsi ilə bağlı məsləhətləşmələr aparmaq niyyətindədir.
