Kliniki Tibbi Mərkəz (KTM) Toksikologiya şöbəsinin müdiri Azər Maqsudovun idarə etdiyi avtomobillə piyada, alim Arif Acaloğlunu vurması ilə bağlı məlumat yayıb.

KTM-dən İqtisadiyyat.az-ın sorğusuna cavab olar bildirilib:

"Dünən saat 23 radələrində Sabunçu rayonu ərazisində Bakı şəhər sakini Azər Spartak oğlu Maqsudov idarə etdiyi “Mercedes” markalı avtomobillə qəza törədib. Qəza 1956-cı il təvəllüdlü Arif Acaloğlunun yüksək sürətli avtomobil yolunun piyadalar üçün nəzərdə tutulmayan hissəsində avtomobilin qarşısına qəfil çıxması nəticəsində baş verib. Hadisədən dərhal sonra A.Maqsudov A.Acaloğlunu Sabunçu rayon mərkəzi xəstəxanasına aparıb. Həkimlərin səyinə baxmayaraq onun həyatını xilas etmək mümkün olmayıb. İstintaq tədbirləri nəticəsində A.Maqsudovun spirtli içki qəbul etməsi və narkotik vasitədən istifadə etməsini araşdırmaq üçün narkoloji dispanserdə müayinədən keçirilib. Onun bu kimi maddələrdən istifadə etmədiyi məlum olub".

Qeyd edək ki, hadisə nəticəsində ölən İstanbul Mərmərə Universtitetinin müəllimi, türkoloq alim Arif Acaloğludur. Türkiyədə yaşayan alim Azərbaycan Milli Elmlər Akademiyasının dəvəti ilə Bakıya gəlibmiş.