"Vətən naminə Tavuş" hərəkatının yüzlərlə gənc tərəfdarı İrəvanın əsas prospekti ilə Matenadaran qədim əlyazmalar anbarından Respublika meydanına doğru yürüşə başlayıb və burada onlar saat 16:00-da mitinqə qatılacaqlar.
İqtisadiyyat.az Ermənistan mətbuatına istinadən xəbər verir ki, yürüş irəlilədikcə digər vətəndaşlar da gənclərə qoşulurlar.
Erməni Apostol Kilsəsinin Tavuş yeparxiyasının rəhbəri arxiyepiskop Baqrat Qalstanyanın rəhbərlik etdiyi etiraz aksiyaları Bakı ilə İrəvan arasında Tavuş vilayətində sərhədin delimitasiyasına dair razılaşmanın əldə olunması xəbərindən sonra başlayıb. İrəvan Azərbaycanın olan, 1990-cı illərdən Ermənistanın nəzarətində olan 4 kəndin Bakıya verilməsinə razılıq verib.
"Vətən üçün Tavuş" hərəkatı Ermənistanın baş naziri Nikol Paşinyanın birtərəfli qaydada torpaqları Azərbaycana təhvil verməkdə ittiham edərək istefasını tələb edir.
