Dünyada ən çox borcu olan ölkələrin siyahısı açıqlanıb. Belə ki, Yaponiya, Yunanıstan, İtaliya, Portuqaliya və ABŞ dövlət borcu ən yüksək olan ölkələr siyahısında ilk beşlikdədir.
Bu barədə İqtisadiyyat.az "Global Finance"yə istinadən xəbər verir.
Məlumata görə, Yaponiyanın dövlət borcu ÜDM-nin 236%-ni təşkil edib ki, bu da bütün inkişaf etmiş ölkələr arasında ən yüksək göstəricidir.
Yaponiyanın dövlət borcu koronavirus pandemiyası zamanı fövqəladə xərclərin əhəmiyyətli dərəcədə artması ilə yüksəlib.
Borcun ÜDM-ə nisbəti 185% olan Yunanıstanın borc problemi 2008-ci ildən sonrakı qlobal maliyyə böhranından qaynaqlanır.
İtaliyada dövlət borcunun ÜDM-ə nisbəti 134,1% təşkil edib. Bildirilib ki, İtaliya Covid-19 pandemiyasından ən çox zərər çəkən Avropa İttifaqı ölkələrindən biridir. Və bir çox ölkələr kimi, pandemiya zamanı fövqəladə xərclərin maliyyələşdirilməsi üçün hökumət borclarını artırıb. "Fitch Ratings "ə görə, İtaliyanın ümumi dövlət borcunun ÜDM-ə nisbəti 2025-ci ilə qədər yüksək olaraq qalacaq.
Ən çox borcu olan ölkələr siyahısında Amerika Birləşmiş Ştatları beşinci yerdədir. Belə ki, ölkənin təxmini dövlət borcu 22,7 trilyon dollar və ya ÜDM-in 108%-i səviyyəsindədir.
Gözəl Həşimova
