İtaliyada uşaqların mobil telefon və sosial şəbəkələrdən istifadəsinin qadağan edilməsi müzakirə olunur.
İqtisadiyyat.az xəbər verir ki, ölkənin təhsil naziri Cüzeppe Valditara İtaliyada müəyyən yaş qrupunda olan uşaqlar üçün mobil telefon və sosial mediadan istifadəni qadağan etmək üçün bir qrup mütəxəssis və sənətçinin başlatdığı kampaniyaya dəstək verib.
İtaliyada uşaqların smartfonlardan istifadə etmələrini qadağan etmək üçün başladılan petisiya mübahisələrə səbəb olub. Məlumata görə, bu imza kampaniyasına İtaliyanın məşhur simaları da dəstək verib.
"La Repubblica"da dərc edilən bir araşdırma, 11-19 yaşlı uşaqların 47%-nin gündə 5 saatdan çox vaxtını internetə sərf etdiyini və bu nisbətin 2020-ci ildə 30% olduğu qeyd edilib.
Qeyd edək ki, Avstraliya 14 yaşından kiçik uşaqlara sosial media qadağası qoymağa hazırlaşır. Bundan əlavə, Niderland məktəblərində smartfonlardan istifadə qadağan edilib. Eyni zamanda, Belçikanın fransızdilli bölgələrində və paytaxt Brüsseldə ibtidai və orta məktəblərdə şagirdlərə smartfonlardan istifadə qadağan edilib.
Gözəl Həşimova