Fövqəladə Hallar Nazirliyinin Nüvə və Radioloji Fəaliyyətin Tənzimlənməsi üzrə Dövlət Agentliyi səlahiyyətlərinə uyğun olaraq ölkə ərazisində nüvə və radioloji fəaliyyət sahəsində təhlükəsizliyin təmin edilməsi istiqamətində zəruri tədbirlərin görülməsini davam etdirir.

FHN-dən İqtisadiyyat.az-a verilən xəbərə görə, bu çərçivədə, “Bakı Baş Səhiyyə Mərkəzi” Publik Hüquqi Şəxsin müraciəti əsasında, Agentliyin əməkdaşları tərəfindən Bakı şəhəri, Səbail rayonunda yerləşən 33 nömrəli şəhər poliklinikasının 1-ci şobəsindəki rentgen cihazına baxış keçirilib və cihazın istismarının məhdudlaşdırılması barədə qərar qəbul olunub.