2019-cu ilin Aprel ayında iqtisadiyyata kredit qoyuluşları azalıb.

“Marja” Mərkəzi Bankın statistikasına istinadən xəbər verir ki, Mart ayının sonu ilə müqayisədə Apreldə cəmi kredit qoyuluşları 46,6 milyon manat azalaraq 13 milyard 11,4 milyon manata düşüb. Martın sonunda kredit qoyuluşları 13 milyard 58 milyon manata çatmışdı.

Azalma Apreldə ticarət, xidmət, inşaat, nəqliyyat və rabitə sektorlarına verilən kreditlərin azalması ilə bağlı olub. Mart ayının sonu ilə müqayisədə Apreldə ticarət və xidmət sektoruna verilən kreditlər 36,5 milyon manat azalaraq 2 milyard 274,1 milyon manata, inşaat və əmlak sektoruna verilən kreditlər 12,8 milyon manat azalaraq 357,4 milyon manata, nəqliyyat və rabitə sektoruna verilən kreditlər isə 86 milyon manat artaraq 1 milyard 271,9 milyon manata geriləyib.

Kənd təsərrüfatı, sənaye və istehsal sektorlarına verilən kreditlər artıb.

Cəmi kredit qoyuluşlarının 5 milyard 515,8 milyon manatını və ya 42,4%-ni ev təsərrüfatlarına verilən kreditlər (əsasən istehlak kreditləri) təşkil edib. Martın sonu ilə müqayisədə Apreldə ev təsərrüfatlarına verilən kreditlər 83,6 milyon manat artıb. Ötən ilin sonu ilə müqayisədə isə (ilk 4 ayda) ev təsərrüfatlarına verilən kreditlər 196,2 milyon manat artıb.

Kredit qoyuluşlarının sahələr üzrə strukturu (dövrün sonuna, milyon manatla)