“COVID-19 infeksiyasına yoluxub sağalan şəxslərə vaksinin sadəcə birinci dozasının vurulmasının kifayət olduğuna dair də şayiələr var. Lakin bunun tətbiqinə başlanılmayıb”.
Bunu Tibbi Ərazi Bölmələrini İdarəetmə Birliyinin (TƏBİB) İnfeksion xəstəliklər üzrə işçi qrupunun həkim-infeksionisti Nəzrin Mustafayeva iki ayrı-ayrı vaksini vurdurmaq olarmı sualını cavablandırarkən deyib.
Onun sözlərinə görə, xəstəlik keçirən şəxslərdə bir doza gücləndirmə rolu oynayır:
“Bu immun yaddaşı yaratmaq məqsədi daşıyır. Lakin bu barədə də rəsmi qurumlar tərəfindən heç bir məlumat və ya təlimat yoxdur”.
O həm də qeyd edib ki, peyvəndlərin yaratdığı anticisimlərin müddəti də qiymətləndirilir:
“Peyvəndlərin tətbiq olunmasından hələ tam bir il keçməyib. Bir il ərzindəki faktlar toplanmaq üzrədir. Amma peyvəndlərin 8 ay - 1 il müddətinə qoruyuculuq qabiliyyətinə malik olduğu düşünülür. Biz bu məsələni zamanla müəyyən edəcəyik”.