Yanvar-iyul aylarında Ukraynaya Çin mallarının ixracı illik 41,9% artaraq 2 milyard dollardan çox olub.
İqtisadiyyat.az xəbər verir ki, bu barədə Çin Xalq Respublikasının Baş Gömrük İdarəsi (GCU) məlumat yayıb.
Məlumatlara əsasən, Ukraynadan Çinə idxal təxminən 3,2 milyard dollar təşkil edib ki, bu da 2023-cü ilin yeddi ayı ilə müqayisədə 22% azdır.
Çinin Ukraynaya ixracının əsas məhsulları sadələşdirilmiş gömrük rəsmiləşdirilməsinə malik istehlak malları, avtomobillər və onların komponentləri, litium akkumulyatorlar, avtobuslar, yük maşınları və minik avtomobilləri üçün təkərlər, televiziya və telekommunikasiya avadanlıqları, smartfonlar, məişət elektrik və tibbi cihazlar, kompüterlər və bir çox başqa məhsullardır.
