İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin tabeliyində olan “Azərbaycan Metrologiya İnstitutu” Publik Hüquqi Şəxsdə yeni təyinat olub.

İqtisadiyyat.az xəbər verir ki, bununla bağlı İnstitutun baş direktoru, birinci "Yüksəliş" müsabiqəsinin qalibi Xamis Seyranov müvafiq əmr imzalayıb.

Əmrə əsasən, qurumun mətbuatla iş və sosial media məsələləri üzrə məsul şəxs vəzifəsinə Elməddin Xəlilzadə təyin olunub.

Qeyd edək ki, E.Xəlilzadə bundan əvvəl Azərbaycan Qida Təhlükəsizliyi İnstitunun İctimaiyyətlə əlaqələr şöbəsində işləyib.

Xatırladaq ki, E.Xəlilzadə Kəlbəcər rayonunda anadan olub. O, bakalavr təhsilini Bakı Dövlət Universitetinin Jurnalistika fakültəsində, magistr təhsilini isə Türkiyə Respublikasının Ankara Universitetində alıb. Həmçinin 2018-2019-cu illərdə Erasmus proqramı çərçivəsində Rumıniyanın 1 Decembrie 1918, Alba Iulia universitetində təlim kurslarında iştirak edib.