Ukrayna silahlı qüvvələri Kursk bölgəsinə hücumda Böyük Britaniyadan gətirilən pilotsuz təyyarələrdən istifadə edir.
İqtisadiyyat.az xəbər verir ki, bu barədə həftəlik "The Sunday Times" qəzeti mənbələrə istinadən məlumat yayıb.
Nəşrin məlumatına görə, Böyük Britaniya hökumətinin dəstəyi təkcə silah təchizatı ilə məhdudlaşmır. Belə ki, britaniyalı müşavirlər Ukrayna hərbi komandanlığının planlarının müzakirəsində fəal iştirak edirlər.
Bundan əvvəl "Sky News" kanalı Ukrayna Silahlı Qüvvələrinin Kursk vilayətində Londonun hədiyyə etdiyi "Challenger 2" tanklarından da istifadə etdiyini bildirmişdi. "The Sunday Times" qeyd edir ki, Böyük Britaniyanın Baş naziri Keir Starmer Kiyevin digər Qərb müttəfiqlərini Ukraynaya hərbi təchizatı artırmağa təşviq etmək üçün Kursk bölgəsində Britaniya silahlarının istifadəsi xəbərini qəsdən sızdırıb.
