"Çin və Braziliyanın Ukrayna məsələsində bir çox dövlətlər tərəfindən dəstəklənən vahid mövqeyi qlobal Cənub ölkələri arasında əməkdaşlığın yaxşı nümunəsinə çevrildi".
İqtisadiyayt.az xəbər verir ki, bunu Çinin xarici işlər naziri Vanq Yi deyib.
Çin Xarici İşlər Nazirliyinin rəhbərinin Braziliyanın "Folha de S. Paulo" qəzetində dərc etdiyi məqalədə deyilir: "Son 50 il ərzində Çin və Braziliya qlobal cənubda əməkdaşlıq üçün yaxşı nümunə çevrilib. İki dövlət arasında diplomatik münasibətlərin 50 illiyi münasibətilə, may ayında Ukrayna böhranının siyasi həlli ilə bağlı Çin-Braziliya konsensus bəyanatını dərc etdik".
Çin diplomatı xatırladıb ki, iki ölkənin Ukrayna problemi ilə bağlı mövqeyi artıq 100-dən çox ölkə və təşkilat tərəfindən dəstəklənib və onlar birlikdə sülhə dəstək üçün konstruktiv fəaliyyət göstəriblər.
Vanq Yi qeyd edib ki, dəyişiklik dövrü gəlib çatıb: "Bəşəriyyət çoxsaylı problemlərlə üzləşir, Çin və Braziliya inkişaf etməkdə olan böyük ölkələrdir, inkişaf etməkdə olan bazar iqtisadiyyatlarının nümayəndələridir, BRİCS-in mühüm üzvləri olaraq planetimizdə sülh və inkişafla bağlı bir sıra mühüm məsələlərdə eyni mövqedən çıxış edirlər.
