“Sumqayıt Sənayetikinti Avtonəqliyyat” ASC-nin ötən ilki mənfəəti səhmdarlar arasında bölüşdürüləcək.
İqtisadiyyat.az xəbər verir ki, bununla bağlı martın 29-da şirkətin səhmdarlarının ümumi yığıncağı keçiriləcək.
Yığıncaqda ASC-nin idarə heyətinin 2023-cü ilin yekunları və 2024-cü ildə görüləcək işlər haqqında hesabatı təqdim olunacaq.
Müşahidə Şurasının və Maliyyə-Təftiş komissiyasının hesabatı müzakirə olunacaq.
Eyni zamanda 2023-cü təsərrüfat ilinin balansı, hesabatların təsdiq edilməsi və xalis mənfəətin bölüşdürülməsi barədə fikir mübadiləsi aparılacaq.
