Azərbaycan Yerüstü Nəqliyyat Agentliyi (AYNA) və Azərbaycan Avtomobil Yolları Dövlət Agentliyi (AAYDA) tıxacların azaldılması ilə bağlı 3 milyon manatlıq layihənin icrasına başlayır.
İqtisadiyyat.az-ın əldə etdiyi məlumata görə, AYNA-nın bununla bağlı elan etdiyi tenderinin qalibi AAYDA olub.
Layihədə 2024-cü ildə yol infrastrukturunun yaxşılaşdırılması, yol hərəkətinin təhlükəsizliyinin artırılması və tıxacların azaldılması üçün nəzərdə tutulan iş və xidmətlər öz əksini tapıb.
Amma tıxacların azaldılması üçün nəzərdə tutulan detallar açıqlanmayıb.
Bu istiqamətdə birgə görüləcək görüləcək işlərin 3 161 124,66 manata başa gələcəyi ilə bağlı iki dövlət qurumu arasında müqavilə bağlanıb. AYNA sifarişçi qismində olduğu üçün qeyd olunan vəsaiti AAYDA-ya öədəyəcək.
