"Megastore" mağazasının işçilərinin bankomatda növbə gözləyən yaşlı təqaüdçülərə çay vermələri maraqla qarşılanıb.

İqtisadiyyat.az xəbər verir ki, bu barədə AzTV-nin redaktoru, tanınmış jurnalist Əhməd Mahmudov sosial şəbəkə səhifəsində paylaşım edib.

"Bu gün qarşılaşdığım bir mənzərə məni həqiqətən çox qürurlandırdı. Nizami rayonu, Bəhruz Nuriyev küçəsində yaşlı insanlar pensiya almaq üçün bonkamat qarşısında növbədə dayandığı vaxt "Megastore" mağazasının işçiləri soyuqdan üşüyən yaşlı insanlara isti çay gətirdilər. Soruşanda dedilər ki, bu mağazanın sahibi həmişə belə edir. Hesab edirəm ki, hər bir xeyirxah əməl təbliğ olunmalıdır. Bu baxımdan "Megastore" mağazasının rəhbərliyinə təşəkkür edirəm", - o paylaşımında əlavə edib.