Rusiyanın xarici işlər naziri Sergey Lavrov və Suriyanın xarici işlər naziri Feysəl Miqdad Moskvada keçirilən görüşdə Qəzza zolağındakı vəziyyəti müzakirə edib və dərhal atəşkəsin vacibliyinə işarə ediblər.
İqtisadiyyat.az xəbər verir ki, bu barədə Rusiya Xarici İşlər Nazirliyinin bəyanatında deyilir.
"Yaxın Şərqdə vəziyyətin davam edən gərginləşməsinə xüsusi diqqət yetirilib. Nazirlər Qəzza zolağında dərhal atəşkəsin və Fələstin anklavı əhalisinin kəskin humanitar problemlərinin həllinin vacibliyini vurğulayıblar", - deyə hesabatda bildirilir.
Nazirlik əlavə edib ki, görüşdə həmçinin regionun digər ölkələrinə, xüsusilə Suriya, Livan və Yəmənə qarşı hərbi qarşıdurmanın genişlənməsinə səbəb ola biləcək təcavüzkar və təxribat xarakterli hərəkətlərin yolverilməzliyi vurğulanıb: "Yaxın Şərqdə mövcud beynəlxalq hüquqi əsaslarda uzunmüddətli və hərtərəfli nizamlanmaya nail olmaq üçün çoxtərəfli səylərin zəruriliyi vurğulanıb".
