İran Prezidenti İbrahim Rəisi və xarici işlər naziri Hüseyn Əmir-Abdullahian avtomobillə Təbrizə yola düşüblər.

İqtisadiyyat.az xəbər verir ki, bu barədə “Mehr” məlumat yayıb.

Öz növbəsində İranın Daxili İşlər Nazirliyi bildirib ki, hələlik qəzaya uğrayan helikopterlə bağlı yekun məlumat əldə edə bilməyiblər: "İran prezidentinin helikopteri duman səbəbindən sərt eniş edib və relyef hadisə yerinə girişi çətinləşdirir".

***

17:08

İran Prezidenti İbrahim Rəisini daşıyan helikopter sərt eniş edib.

İqtisadiyyat.az xəbər verir ki, bu barədə IRNA məlumat yayıb.

Bu helikopterdə dövlət başçısı ilə yanaşı Təbrizin cümə imamı Məhəmmədəli Ali Haşim, xarici işlər naziri Hüseyn Əmir-Abdullahiyan, Şərqi Azərbaycan valisi Malik Rəhməti və bir neçə başqa sərnişin də olub.

Xilasedicilər hadisə yerinə yola düşüb. Ölkə liderinin vəziyyəti barədə məlumat verilməyib.

İnsident İranın Şərqi Azərbaycan vilayətindəki Varziqan şəhərində baş verib.//Report//

***

17:00

İran Prezidenti İbrahim Rəisini daşıyan helikopter qəzaya uğrayıb.

İqtisadiyyat.az xəbər verir ki, bu barədə “Tasnim” məlumat yayıb.

Bildirilib ki, qəza İranın Şərqi Azərbaycan vilayətində baş verib. Qeyd olunub ki, dövlət başçısının kolonunda ümumilikdə üç helikopter olub: onlardan ikisi təyinat nöqtəsinə çata bilib.

Vurğulanıb ki, “prezident helikopterində olanlardan bəziləri mərkəzlə əlaqə saxlamağa müvəffəq olub və beləliklə, bu hadisənin itkisiz yekunlaşacağına ümid artıb”.//Report//

Məlumata görə, sözügedən hava gəmisinin göyərtəsində ölkənin xarici işlər naziri Hüseyn Əmir-Abdullahian da olub.