Polis əməkdaşları ilə əlbəyaxa davaya görə saxlanılan xarici agentlər haqqında qanun layihəsinə etiraz edənlərin polis tərəfindən döyülməsi hallarını dəstəkləmirik.
"Operativ Media" xəbər verir ki, bunu Gürcüstanın baş naziri İrakli Kobaxidze bildirib.
Bundan əvvəl bəzi gürcü KİV-ləri xarici agentlər haqqında qanun layihəsinə qarşı Gürcüstan parlamentinin divarları yaxınlığında keçirilən aksiyada polisin saxlanılan insanlara qarşı güc tətbiq etdiyini əks etdirən foto və videolar yayıb. Kobaxidze mətbuat konfransında müvafiq sualı cavablandırarkən deyib: "Mən bu cür hadisələri həqiqətən də sevmirəm".
