Minimum aylıq əməkhaqqının 345 manata çatdırılması ilə bağlı olaraq Nazirlər Kabineti yeni Vahid Tarif Cədvəlini (VTC) təsdiq edib.

Cədvələ əsasən, maaşlar 19 dərəcə üzrə müəyyənləşdirilir.

İqtisadiyyat.az xəbər verir ki, mövzu ilə bağlı deputat Vüqar Bayramov danışıb.

O, bildirib ki, prezidentin son sərəncamınadək ilk 4 dərəcə üzrə əmək haqqları 345 manatdan aşağı idi və onlar 300-338 manat arasında dəyişirdi. Yeni VTC-ə əsasən isə yalnız bir dərəcə üzrə əmək haqqı minimum səviyyədə olacaq. Digər 18 dərəcə üzrə maaşlar minimum əmək haqqı məbləğindən daha yüksəkdir.

Artımlar belədir: 1-ci dərəcə üzrə: 300 manatdan 345 manatadək;

2-ci dərəcə üzrə: 312 manatdan 359 manatadək;

3-cü dərəcə üzrə: 325 manatdan 374 manatadək;

4-cü dərəcə üzrə: 338 manatdan 389 manatadək;

5-ci dərəcə üzrə: 353 manatdan 406 manatadək;

6-cı dərəcə üzrə: 367 manatdan 422 manatadək;

7-ci dərəcə üzrə: 383 manatdan 441 manatadək;

8-ci dərəcə üzrə: 398 manatdan 458 manatadək;

9-cu dərəcə üzrə: 415 manatdan 478 manatadək;

10-cu dərəcə üzrə: 432 manatdan 497 manatadək;

11-ci dərəcə üzrə: 450 manatdan 518 manatadək;

12-ci dərəcə üzrə: 468 manatdan 538 manatadək;

13-cü dərəcə üzrə: 487 manatdan 560 manatadək;

14-cü dərəcə üzrə: 508 manatdan 584 manatadək;

15-ci dərəcə üzrə: 528 manatdan 607 manatadək;

16-cı dərəcə üzrə: 549 manatdan 632 manatadək;

17-ci dərəcə üzrə: 604 manatdan 694 manatadək;

18-ci dərəcə üzrə: 725 manatdan 833 manatadək;

19-cu dərəcə üzrə: 979 manatdan 1125 manatadək.

Yeni qərarla kimlərin əmək haqqları artırıldı?

Sosial, elm, səhiyyə, mədəniyyət, gənclər və idman, kənd təsərrüfatı, ekologiya və ətraf mühitin mühafizəsi, mənzil-kommunal, nəqliyyat və rabitə, meliorasiya, su təsərrüfatı və balıqartırma sahələrində çalışan dövlət qulluqçusu statusu olmayan işçilərin də əmək haqqları artırıldı. Yəni, əgər vətəndaşımız qeyd olunan sektorda çalışırsa və əmək haqqısı VTC üzrə müəyyənləşirsə o zaman onun maaşı bu aydan etibarən artırıldı.