Nigeriya hökumət qüvvələri son bir həftə ərzində ölkənin müxtəlif bölgələrində 108 terrorçunu məhv edib. 

İqtisadiyyat.az xəbər verir ki, bu barədə Nigeriya Müdafiə Nazirliyinin media ilə əlaqələr üzrə direktoru general-mayor Edvard Buba brifinqdə bildirib.

"Eyni zamanda silahlılar tərəfindən oğurlanan və saxlanılan 214 girov tapılaraq sərbəst buraxılıb", - deyə Buba qeyd edib. 

Buba əlavə edib ki, əməliyyat zamanı 622 terrorçu hakimiyyətə təslim olub.

Nigeriya Silahlı Qüvvələrinin terrorçular və quldurlarla mübarizə əməliyyatları avqust ayında ölkədə hökumət əleyhinə müxalifətin etirazları fonunda davam edib. Nigeriyanın ən böyük şəhərlərində asayişi qorumaq üçün çoxsaylı polis bölmələri yerləşdirilib.