İranın yeni Prezidenti Məsud Pezeşkian İslam İnqilabı Keşikçiləri Korpusunu (SEPAH) iyulun 31-də baş vermiş sui-qəsdə cavab olaraq İsrailə birbaşa zərbə endirmək fikrindən əl çəkməyə inandırmağa çalışır.
İqtisadiyyat.az xəbər verir ki, bu barədə "The Daily Telegraph" qəzeti adı açıqlanmayan mənbələrə istinadən məlumat yayıb.
Məqalədə qeyd edilir ki, SEPAH Təl-Əvivə və hədəfinin hərbi bazalar olacağı İsrailin digər şəhərlərinə birbaşa cavab zərbəsi endirməkdə israrlıdır. Pezeşkian vəziyyətin nəzarətdən çıxmaması üçün İsrail dövlətinin "Kürdüstandakı" gizli bazalarına hücumun tərəfdarıdır.
