ABŞ administrasiyası Səudiyyə Ərəbistanına hücum silahlarının satışına qoyulmuş qadağanı aradan qaldırmaq niyyətindədir.

İqtisadiyyat.az xəbər verir ki, bu barədə "Reuters" mənbələrə istinadən məlumat yayıb. 

Məlumata görə, Amerika icra hakimiyyəti artıq Konqresə müvafiq qərarı ilə bağlı məlumat verib.

Agentliyin həmsöhbəti qeyd edib ki, satışlar gələn həftədən etibarən bərpa oluna bilər.

Mənbə "Reuters"ə əlavə olaraq bildirib ki, Səudiyyə Ərəbistanı razılaşmanın özünə düşən məsuliyyət hissəsini yerinə yetirib: "İndi ABŞ tərəfi olaraq biz müvafiq bildiriş və Konqreslə məsləhətləşmələr yolu ilə bu tədarükləri normal vəziyyətə qaytarmaqla payımıza düşəni yerinə yetirməyə hazırıq". 

2021-ci ildə Vaşinqton administrasiyası Yəmənin Husi üsyançılarına qarşı hərbi kampaniyası ilə əlaqədar Səudiyyə Ərəbistanına hücum silahlarının satışını məhdudlaşdırıb. Agentliyin mənbəsinin sözlərinə görə, Səudiyyə Ərəbistanı 2022-ci ilin martından bəri Yəmənə hava zərbələri endirib.