İndoneziya meymunçiçəyinə (mpox) yoluxma hallarının artması səbəbindən ölkəyə daxil olan əcnəbilərə nəzarəti gücləndirib.
Bu barədə İqtisadiyyat.az xarici KİV-lərə istinadən xəbər verir.
Məlumata görə, məhdudiyyətlər avqustun 28-dən tətbiq olunmağa başlayıb.
“Ölkədə meymunçiçəyinə yoluxma riskini minimuma endirmək üçün İndoneziyaya gələn bütün əcnəbilər QR kodu şəklində müvafiq tibbi bilet almaq üçün ixtisaslaşdırılmış internet saytında elektron formanı doldurmalıdırlar”, - məlumatda bildirilib.
Qeyd olunur ki, bu QR kodu sərhəd nəzarətindən keçmək üçün lazımdır.
Bildirilir ki, İndoneziyaya gələn əcnəbilər meymunçiçəyi simptomları olan insanlarla qarşılaşıblarsa, dərhal hakimiyyət orqanlarına məlumat verməlidirlər.
Avqustun 14-də Ümumdünya Səhiyyə Təşkilatı (ÜST) dünyanın bir sıra ölkələrində meymunçiçəyi xəstəliyinin yayılması ilə əlaqədar fövqəladə vəziyyət elan edib.
Sadiq Cavadov