Dünyada sosial balans pozulmaqda davam edir. Planetin ən zəngin adamları daha da varlanır.
İqtisadiyyat.az xəbər verir ki, dünyanın ən varlı 10 adamı sərvətini təkcə son bir ildə 106,5 milyard artırıb. İndi onların 790,4 milyard dolları var.
Dünyanın ən varlı 100 adamının sərvəti isə 3 trilyon dollara yaxınlaşır. Belə rekord heç vaxt olmamışdı. Dəqiq rəqəm yazaq: 2 trilyon 794 milyard dollar.
Planetin ən zəngin adamlarının “100-lüy”ünə daxil olmaq üçün 13 milyard dollarınız olmalıdır. Əvvəllər daha aşağı rəqəmdən söhbət gedə bilərdi.
Jeff Bezos / Foto: AFP 2019 / Manjunath Kiran
Siyahıya Ceff Bezos 150 milyard dollarla başçılıq edir. “Amazon” şirkətinin rəhbəri həm də son bir ildə ən çox gəlir əldə edən adamdır. Bezos 365 gündə var-dövlətini 25,3 milyard dollar artırıb.
Bill Qeyts
Varlıların siyahısında sonrakı yerləri Bill Qeyts (102,0), Bernar Arno (89,3), Uorren Baffett (83,9), Mark Zukkerberq (68,3), Amansio Orteqa (67,5), Larri Peyc (58,6), Larri Ellison (58,0), Sergey Brin (57,0), Karlos Slim (55,8) tutur.
