Aqrar İnnovasiya və Təchizat Şirkətinə (AISCO) cərimə yazılıb.
İqtisadiyyat.az xəbər verir ki, şirkət barəsində Dövlət Vergi Xidməti tərəfindən İnzibati Xətalar Məcəlləsinin 602.4-cü maddəsinə əsasən cərimə protokolu tərtib edilib.
Həmin maddədə deyilir ki, sahibkar tərəfindən yoxlama prosesində yoxlamaya aid sənədlərin yoxlayıcıya təqdim edilməməsinə, yoxlama zamanı yaranan suallara şifahi və (və ya) yazılı izahatlar verilməməsinə, təhrif olunmuş, yanlış məlumatın verilməsinə və ya sahibkarlıq fəaliyyəti üçün istifadə olunan əraziyə, istehsal və emal müəssisələrinə, anbarlara, satış sahələrinə, nəqliyyat vasitələrinə, habelə sahibkarlıq fəaliyyəti üçün istifadə olunan digər yerlərə baxış keçirilməsinə mane olmağa görə vəzifəli şəxslər min manatdan min beş yüz manatadək məbləğdə cərimə edilir.
Qeyd edək ki, Azərbaycanın gübrə və kənd təsərrüfatı istehsal vasitələri bazarını hədəfləyən Aqrar İnnovasiya və Təchizat Şirkəti (AISCO) 2019-cu ildən fəaliyyətə başlayıb.
