Belarusda Rusiya hərbi texnikasının böyük karvanı görüntülənib. O, Minskdən Moskva istiqamətində hərəkət edib.
Bu barədə “Motolko” layihəsi “Twitter”də məlumat yayıb.
Qeyd olunur ki, saat 7 radələrində Belarusun Borisov şəhəri ərazisində 100-dən çox Rusiya hərbi texnikasından ibarət karvan müşahidə edilib.
“Borisovun yaxınlığında M1 şosesi ilə Minskdən Smolensk (Moskva) istiqamətində hərəkət edən 100 ədəd “V” işarəli hərbi texnikadan ibarət böyük karvan görünüb. Texnikanın tərkibində “Ural” və “KamAZ”, “UAZ Patriot”, “KUNG”lar, yanacaq daşıyan maşınlar və PAZ avtobusları olub”, - deyə məlumatda bildirilir.