Kənd Təsərrüfatı naziri İnam Kərimovun Dünya Ərzaq Təşkilatı ilə keçirilən tədbirdə ətə və südə olan tələbatın 90%-nin ölkə tərəfindən təmin edildiyini desə də iqtisadçı ekspert Rövşən Ağayev bu fikirin yanlış olduğunu iddia etmişdi.
İqtisadiyyat.az saytı bildiri ki, Kənd Təsərrüfatı Nazirliyi yanında Aqrar Tədqiqatlar Mərkəzinin direktoru Pərviz Hacıyev ekspertin iddialı təhlilinə münasibət bildirib.
'Söhbət mal əti və qoyun ətindən gedirdi ( ağırlıqlı olaraq bunlar üzərində iş gedir hal hazırda). Çünki tələbin 60%-dən çoxunu onlar təşkil edir və özünü təminetmə 90%-dən biraz çoxdur. Quş əti istehsalı və istehlakı arasında ferq çoxdur, 25%-ə yaxın açıq var, o da hal hazırda quşçuluq sahəsində istehsal artsın deyə ciddi investisiyalar gedir. ( Məsələn 'Mərcan' Quşçuluq fabriki istehsal artımına doğru gedir, yeni müasir damları genişləndirir və.s). Sırf quşçuluqda var olan böyük açıq ortalama bütün ət məhsullarında özünü təminetmə səviyyəsinin 85-90%-i arasındadır. Bütün bunları qoyuram kənara, bir iqtisadçı olaraq sizə iradım budur ki, stok fərqi, ticarət balansı rəqəmləri hesaba qatmadan, sadəcə idxal+istehsalı toplam istehlaka bölüb özünütəminetmə haqqında fikir yürütmək professionallıq deyil. Demirəm biz stok artırıb ixrac etmişik, amma bunu hesabda nəzərə alaraq izah vermək məsələyə ciddi yanaşdığını göstərərdi. Bundan sonra rəqəmlər k/t databazında daha doğru öz əksini tapsın deyə, hazırda var olan statistik məlumatlardakı əksikliyin olmaması üçün, məhz elektronik k/t sistemi qurulur.'
MEHMAN NƏBİYEV
