"NATO-nun Ukraynadakı münaqişə ilə bağlı hərbi təchizat və eskalasiya məntiqinə əsaslanan strategiyası uğursuzluğa düçar oldu, eyni zamanda böhranın özü Aİ-nin liderlik nümayiş etdirə bilmədiyini üzə çıxardı və onun ABŞ-yə tabe olduğunu vurğuladı".
İqtisadiyyat.az xəbər verir ki, bunu İtaliyanın keçmiş baş naziri, hazırda müxalifətdə olan “Beş Ulduz Hərəkatı” siyasi partiyasının lideri Cüzeppe Konte bildirib.
“Ukraynaya daimi hərbi təchizat və eskalasiya məntiqinə əsaslanan NATO-da indiyədək həyata keçirilən strategiya Rusiya üçün hərbi məğlubiyyətə səbəb olmayıb: Baxmutda rus ordusunun məğlubiyyəti reallaşmayıb. Onun hərbi hissələri dağılmadı, Ukraynanın əks-hücum əməliyyatı zamanı geri çəkilmə olmadı", - Konte qeyd edib.
"Rusiyanın təcrid olunması heç bir halda reallığa çevrilməyib. Əksinə, 2024-cü ildə dünya əhalisinin 45%-ni və dünya ÜDM-nin 38,2%-ni əhatə edəcək BRİCS qrupunun 15-ci sammiti onun təsirlərinin daha da genişlənməsinin konkret perspektivi ilə başa çatıb," - Konte davam edib.
Kontenin fikrincə: “Köhnə Avropanın mərkəzindəki münaqişə Avropa İttifaqının effektiv ümumi strategiya hazırlaya bilmədiyini və müstəqil siyasi və iqtisadi liderlik nümayiş etdirə bilmədiyini, əksinə, Avropa hakimiyyətlərinin Amerika Birləşmiş Ştatlarına tabe olduğunu ortaya qoydu".
Konte dəfələrlə Ukrayna üzrə sülh danışıqlarının başlanmasına çağırıb. Xüsusilə, o, Vatikanın və beynəlxalq ictimaiyyətin bütün digər oyunçularının iştirakı ilə "danışıqlar prosesində irəliləyişin" tərəfdarı olduğunu bildirib.
Qeyd edək ki, "Beş Ulduz Hərəkatı" uzun müddətdir ki, Ukraynaya silah göndərilməsinə qarşı çıxır. Bu mövqe dolayısı ilə onun əvvəlki hakim koalisiyadan çıxmasına səbəb olub və bu, 2022-ci ilin yayında Mario Draqi hökumətinin süqutuna səbəb verib.
