"Geosiyasi gərginliklər səbəbindən enerji təchizatında fasilələr riski dünya ticarətində canlanmaya mane ola biləcək qeyri-müəyyənlikləri artırır".

İqtisadiyyat.az xəbər verir ki, bu barədə Ümumdünya Ticarət Təşkilatının (ÜTT) baş iqtisadçısı Ralf Ossa "Anadolu Agentliyi"nə məlumat verib.

Onun sözlərinə görə, yüksək enerji qiymətləri, artan inflyasiya, sərt pul siyasəti və Çin iqtisadiyyatının pandemiyadan sonra gözləntilərin altında qalması səbəbilə bu il qlobal ticarətdəki artım kəskin şəkildə yavaşlayıb:

"Qlobal iqtisadi artımdakı yavaşlama bütün məhsullara tələbi azaldıb. Keçən il inflyasiya bir çox ölkədə 1980-ci illərdən bəri görülməmiş səviyyələrə yüksəldi. Yüksək inflyasiya qarşısında mərkəzi banklar, uzun illər sonra faiz dərəcələrini sərtləşdirməyə başladı. Bu siyasət 2022-ci ilin son rübündə başlayan qlobal ticarətin azalmasının mühüm amillərindən biri oldu”.

 

Gözəl Həşimova