Dünyanın ən uzunmüddətli musiqi yarışması olan "Avroviziya"ya qatılmalarına baxmayaraq, heç vaxt qalib olmayan ölkələrin siyahısı açıqlanıb.

Bu barədə İqtisadiyyat.az dünya statistikasında araşdırma aparıb.

Araşdırmalara görə, 68 ildir ki davam edən yarışmada 21 ölkə heç vaxt qalib ola bilməyib.

Yarışmada qalib olmayan ölkələrin siyahısı isə belədir:

1. Andorra
2. Ermənistan
3. Avstraliya
4. Bosniya və Herseqovina
5. Bolqarıstan
6. Xorvatiya
7. Kipr
8. Çexiya
9. Gürcüstan
10. Macarıstan
11. İslandiya
12. Litva
13. Şimali Makedoniya
14. Malta
15. Moldova
16. Monteneqro
17. Polşa
18. Rumıniya
19. San Marino
20. Slovakiya
21. Sloveniya

Qeyd edək ki, müsabiqə canlı olaraq keçirilir. Hər ölkədən bir nümayəndə (solist və ya musiqi qrupu) üç dəqiqədən çox olmayan mahnı ifa edərək iştirak edə bilər. Tamaşa zamanı səhnədə altıdan çox adam çıxış etməməlidir. Bütün iştirakçıların çıxışından sonra tamaşaçılar və münsiflər heyətinin səsverməsi ilə ən populyar mahnı müəyyən edilir. Final və yarımfinalda mübarizə aparan bütün ölkələr səsvermədə iştirak edir.

Müsabiqə 1956-cı ildən hər il keçirilir və 600 milyona qədər tamaşaçı auditoriyası ilə dünyanın ən məşhur qeyri-idman tədbirlərindən biridir. Avroviziya Qazaxıstan, Qırğızıstan, Kanada, Misir, Hindistan, Livan, Cənubi Afrika, Cənubi Koreya, ABŞ və bir sıra başqa ölkələrdə də yayımlanır, baxmayaraq ki, bu ölkələr müsabiqədə iştirak etmir və Avropadan kənarda yerləşirlər.

Azərbaycan isə bu yarışmaya 2008-ci ildə qatılıb və 2011-ci ildə ilk dəfə müsabiqənin qalibi oldu. Belə ki, Eldar Qasımov və Nigar Camal "Running Scared" mahnısı ilə Avropanın bütün dövlətlərini geridə qoydu və yarışmanı "Odlar Yurdu"na gətirdilər.

Gözəl Həşimova