Ədliyyə Nazirliyinin İnsan Hüquqları və Kommunikasiya İdarəsinin sabiq rəisi Aynur Sabitova açıqlama yayıb.

İqtisadiyyat.az xəbər verir ki, o, feysbuk səhifəsində yazdığı paylaşımda nazirlikdəki vəzifəsindən öz arzusu ilə ayrıldığını bildirib.

Bununla yanaşı, o, yeni vəzifəyə təyinat alması ilə bağlı yayılan məlumatlara aydınlıq gətirib:

"Mənim üçün çox doğma olan Ədliyyə nazirliyinə fəaliyyətində davamlı uğurlar arzu edirəm. Məlumat üçün deyim ki, mən yeni vəzifəyə təyinat almamışam, Azərbaycan Dillər Universitetində 1997-ci ildən elmi-pedaqoji fəaliyyətlə məşğulam və fasiləsiz olaraq bu gün də bu sahədə fəaliyyətimi davam etdirirəm".

Qeyd edək ki, A.Sabitova 2018-ci ildən Ədliyyə Nazirliyinin İnsan Hüquqları və Kommunikasiya İdarəsinin rəisi vəzifəsində çalışırdı. O, bir müddət əvvəl vəzifəsindən azad edilib.