ABŞ səfirliyinin yüksək rütbəli diplomatı Rusiya Xarici İşlər Nazirliyinə çağırılıb və ona Rusiyanın BMT-dəki daimi nümayəndəliyinin əməkdaşlarının ölkədən çıxarılmasına cavab olaraq Rusiyadan qovulacaq ABŞ diplomatlarının siyahısı təqdim edilib.
Bu barədə Rusiya XİN-dən məlumat verilib.
“Amerika tərəfinə qətiyyətlə bəyan edilib ki, ABŞ-ın Rusiyaya qarşı istənilən düşmənçilik hərəkəti adekvat cavab alacaq”, - məlumatda bildirilib.
Qeyd edək ki, fevralın sonunda Rusiyanın BMT-dəki daimi nümayəndəliyinin 12 əməkdaşı və BMT Katibliyinin bir əməkdaşı ABŞ-dan qovulub.