Litva İsveçdən qısamənzilli hava hücumundan müdafiə raket sistemlərini alacaq.
İqtisadiyyat.az xarici KİV-ə istinadən xəbər verir ki, bu barədə Litva Müdafiə Nazirliyi məlumat yayıb.
"Müdafiə Nazirliyinin ehtiyacları üçün ordunun daha yaxşı silahlandırılmasını təmin etmək üçün hərbi texnikanın alışını artırmaq imkanımız var", - məlumatda deyilir.
Litva "Bolide" və "MK-2" raketlərinin buraxılması üçün "RBS-70" sistemləri alacaq. Müddəti göstərilməyən müqavilənin dəyəri 45 milyon avro təşkil edəcək.
