Düşənbədə səyahət sahəsində birgə həllərin işlənib hazırlanmasına həsr olunmuş “MDB-yə üzv dövlətlər arasında turizm sahəsində əməkdaşlığın yeni mərhələsi” adlı beynəlxalq forum işə başlayıb.
Bu barədə İqtisadiyyat.az dünya mediasına istinadən xəbər verir.
MDB İcraiyyə Komitəsinin humanitar əməkdaşlıq, ümumi siyasi və sosial problemlər departamentinin direktor müavini Mənuçöhr Xocazadə bildirib ki, Birlik ölkələrində turizm sektorunda əsas problemlərdən biri də vahid təklifin olmamasıdır:
“Regionumuzda beynəlxalq turizm üçün səciyyəvi cəhət onun vahid turizm məhsulu kimi təqdim edilməməsidir .Digər mühüm cəhət isə coğrafi şərait, xalqların adət-ənənələri, logistika nəzərə alınmaqla regionun turist imicinin formalaşdırılmasıdır”.
“Beynəlxalq turizm sahəsində nümunəvi qanunların səmərəli işlənib hazırlanması və turizm bazarının bütün iştirakçılarını adekvat və müvafiq alətlərlə təmin etmək bizim vəzifəmizdir. MDB ölkələrinin parlamentlərindən və digər dövlət orqanlarından olan həmkarlarımızla bu məsələni işləyirik”, - deyə MDB Parlamentlərarası Assambleya Şurasının Baş katibi Dmitri Kobitski qeyd edib.
Gözəl Həşimova
