"Fitch Ratings" beynəlxalq reytinq agentliyi ABŞ Federal Ehtiyat Sisteminin (FED) bu il faiz dərəcələrini iki dəfə azaldacağını proqnozlaşdırır.

İqtisadiyyat.az xəbər verir ki, bu barədə qurumun məlumatında deyilir.

Qurum ABŞ iqtisadiyyatı ilə bağlı təhlilində ölkədə artan siyasi və geosiyasi qeyri-müəyyənlik şəraitində iqtisadi yavaşlamanın yaxınlaşdığı bildirilib.

Təhlildə bildirilib ki, ABŞ-də iqtisadi yavaşlama əlamətləri kredit artımının zəifləməsi və istehlak xərclərinin yavaşlaması ilə özünü göstərir. Bu vəziyyətin bu ilin ikinci yarısında da davam edəcəyi və iqtisadi artımın əhəmiyyətli dərəcədə yavaşlayacağı gözlənilir.

Bununla belə, təhlildə ABŞ iqtisadiyyatında tənəzzülün gözlənilmədiyi vurğulanıb.

 

Gözəl Həşimova